Хурсанд Иброҳимоваи 34-сола баъди 73-рӯзи муолиҷаву табобат дар Беморхонаи клиникавии вилояти Суғд фавтид. Духтурон натавонистанд дигар ба дарди ӯ шифо бахшанд. Вай кӯдаки чорумашро санаи 31-уми май тариқи амалиёти қайсарӣ дар беморхонаи ноҳияи Зафаробод ба дунё овард. Буриши қайсарии нобарор боиси чор маротибаи дигар ҷарроҳӣ шудани ӯ гардид. Дар вилояти Суғд давоми шаш моҳ 2 ҳазору 497 таваллуд тариқи буриши қайсарӣ ба қайд гирифта шудааст. Аммо тақдири Хурсанди 34-сола чӣ шуд? Гузориши навбатии барнома муфассал дар ин хусус нақл мекунад.
