Гуруҳи кории барномаи иттилоотии “Хабар” санаи 4-уми май аз мардум оид ба риояи қоидаҳои пешгирии Коронавирус пурсон шуд. Маълум гардид, ки 40 дарсади пурсидашудагон қоидаи оддитарини гигиенаи шахсиро намедонанд ва ҳатто дар мавзеъҳои ҷамъиятӣ бе ниқоб мегарданд. Ин дар ҳолест, ки ҳафтаи сипарӣ сардухтури Маркази назорати давлатию санитарӣ ва эпидемиологии вилояти Суғд бо қарори махсус оид ба пешгирии коронавирус доштани ниқоб ба ҳар шахс дар ҷойҳои ҷамъиятиро расман интишор намуд.
