Дар шаҳри Хуҷанд боз як мағозаи нави фурӯши либосҳои кӯдакона ифтитоҳ шуд ва дар расми кушоди он раиси шаҳри Хуҷанд Маъруф Муҳаммадзода иштирок намуд. Кушодашавии маркази савдо ба рӯзи шаҳр рост омад. Мағозаи нав бо номи “Шаҳри афсонавӣ” ба фаъолият шурӯъ намуда 10 нафарро бо ҷои кори доимӣ таъмин намуд. Дар ин ҷо сару либоси кӯдакон ва бозичаҳои истеҳсоли кишварҳои Чин ва Туркия бо нархи дастрас ба фурӯш гузошта шудааст.
