Дар ноҳияи Б.Ғафуров ӯро чун омӯзгори собиқадору ботаҷриба хуб мешиносанд. Мунаввара Назарова муаллимаи соҳибмактаб аст, ки хонандагонаш ӯро чун модар, омӯзгори сахтгир, аммо ояндасоз мешиносанду эҳтиром мекунанд. Фаъолияташ бештар бо мактаби миёнаи №31 деҳаи Сойчаи, ҷамоати деҳоти Ёваи ноҳияи Б.Ғафуров пайвастааст. Фаъолияти зиёда аз 60солаи омӯзгорияшро бо як барнома наметавон натиҷагирӣ кард. Зиндагиномаи ӯ як қомуси бузурги тарбиявӣ аст. Сӯҳбати мо дар қисми аввал дар бораи айёми тифливу наврасӣ, тарбияи волидон ва бунёди роҳи зиндагии минбаъдааш мебошад.
