Қисмати дигари барнома бо профессор Абдушукур Назаров аз илми имрӯз, дастовардҳои шогирдонаш, китобхонаи навтаъсис ки ба номи бобояшон гузошта шудааст оғоз гирифт. Дар поёни барнома мо аз мушкилоти аз даст додани арзишҳои маънавӣ ва роҳҳои тарбияи он сӯҳбат намудем. Дар сӯҳбати чунин тоифаи инсонҳо будан як мактаби хуби илму зиндагӣ аст. Як ибораи дӯстдоштаи худро инҷо мегузорам, ки шахсиятҳои бузург роҳи зиндагияшон басо пурпечутоб аст. Онҳо мӯяшонро дар осиёби зиндагӣ сафед кардаанд. Хуш ба ҳоли онҳое, ки аз таҷрибаи зиндагии онҳо барояшон сабақ гиранд.
